> Ciao,ho il piacere di inviarvi la mia nuova canzone *EL BAMBIN 2.0* 🙂
>
> La canzone, e’ una riflessione su una religiosità’ sempre meno presente nel mondo occidentale e quindi sempre più’ agli antipodi con un benessere materiale portato agli eccessi.
> Ho arrangiato il brano con liuto rinascimentale, bouzuki e l’Oud. Alle voci coriste…Janika Tomamichel,Sandra Eberle,Consuelo Garbani e Amalia Felice!
> *El bambin 2.0* e’ disponibile per download oppure streaming sulle principali piattaforme musicali online,o per un primo ascolto sulla piattaforma mx3 al seguente link https://mx3.ch/paolotomamichelmusic
>
> Spero vi rallegri ciao ciao a tutti e grazie, Paolo Tomamichel
>
> <LANDR-EL BAMBIN 2.0 mix 7.6.19-High-Open.mp3>
>
> El Bambin 2.0 (Paolo Tomamichel suisa 2019)
>
> L’e’ n’quai di che sora al laag quand’ che vegn la sera
> i sa veed di ciaar coloraa che quasi i paar mia vera
> radio e television i diis nagot,…per intaant ammo’
> ma online e sü la mé chat quaicoss u taca a giraa…
>
> Un grand moviment da machin e Suv gross come na’ ca’
> ‘na sfilza da gent la taca a rivaa, da chi e da la’
> un visigheri n’gran casoteri ,tücch is domanda:-Cos’le’ che süceed?-
> L’é n’ bél miscteri un gran miscteri e ‘na banda la taca a sonaa…
>
> Ciami i me’ soci e la morosa col mé telefonin
> -Ti tin sé quaicoss?…Mi an so’ da nogota,prova a ciamaa el 117!-
> L’uscier u ma diis:-Chel staga quiet,ch’u gabia mia pagüra…
> em gia’ cataa forse chel che lé stai e lé gia’ chi in Pretura!
>
> Ma riva n’mesagg con scritt…Sü coragg,pensem a ‘na roba bèla…
> anca perche’ pare che un giovinott sü nel ciel la vedü ‘na sctela…
> Per aria un profum da caraméll e da rosctii…Nemm a vedee a ghe’ ‘na fescta?
> Una fake news con la foto d’un pinin con ‘na corona sü la testa!
>
> Ossequiosamente,reverentemente a cori a ca’ dal prevat
> se le’ chel che pensi propi chel che senti,lü un savra’ quaicoss,
> Um vérd la porta,u ma varda ni occh e dopo vemm scoltaa:
> -Brutt ignoraant,un pinin incoronaa…dümila ann fa’ le’ gia’ rivaa!!!
>
> A vardi el Wikipedia…oh che béla sctoria,al savevi gnanca!
> O imparaa quaicoos da nöf dal computer chi da la mö stanza
> e déss scolta ben chel che at cünti sü…Cito fa’ mia fera!
> Ma som inviaa anca mi in procesion nela mistica atmosfera…
>
> Nell’estasi religiosa pöö ma parü da vedee anche un asan en böö…
> Ohhhhhhhhh….
> -Dimm mia che ti visct anca trii sctrioni con sü n’turbant e in giola an camell
> Magari sü la paia n’pinin con la mam el pa’…al saresa sctai tropp béll!-
>
> Visto ed appurato che su sto mondo un Signore e’ già’ nasciuto
> qualcosa di altrettanto importante e’ avvenuto,non sono mica gnuco!
> E l’é adess ch’u vegn al béll,senta un po’ che sorpresa
> tücc a sem desedaa da sto sogn, con ni man un caréll da fa la spesa!
>
> Cos’le’ che vedi ohibò’! Avresa preferii ‘na sctala…
> domma’ n’architett mia tant in squadra u la podü pensala
> un gran garbüi da fér e da cement,con le porte di vetro
> -Se con carta e contanti tu vieni a trovarci di sicuro in mutande torni indietro!-
>
> E sora n’palchett fai sü ala bona coi palétt da la ferovia
> i sona di mé soci taglian da Vares che pero’ i canta in ingles
> E sull’ampia tribuna adornata di fiori il Sindaco ulula trionfale:
> -E’ nato e’ nato e’ nato per noi,ecco a voi il nuovo Centro commerciale…!!!
>
> Un nuovo centro commerciale…
> Oh che béll,propi béll,u ga nava,ga mancava
> Oh che grand,propi grand,i ta péla,fö i müdaand…
>
> ….: Il Bambino Gesü ha smarrito i suoi fedeli,rivogersi all’Info point per favore!-