Sem sempar schtai atratt dal dialett, di tanti che parlum in dal Tesin. Pürtrop sem mia bon da schrival e nianca da parlal, al dialett di nos avi.
Parli chel dala ferovia che l’è l’dialett da tücc. Coi mé fiöö parli dialett e taglian, ma quant che sem rabià al dialett l’è la lingua che podi eschprim mei al mé stat d’anim. Mantegnemal sto dialett, simbol dal noscht pasà che pürtropp al torna più. L’è ciar che podum mia parlal sempar, perché gh’è chi che l’capis mia.
Ma sa cercum da fal almen coi noscht amis da chì al sares già n’a bela roba. In fond in fond vöreg ben al nos Tesin l’è anca mantegnì la nosa lingua, chela di noss vecc, chi che laurava dür e i faseva n’a fadiga d’inferno, senza lamentass püsé che chel tant, e senza cüntà su ball.
Adess, senza al FACEBOOK par che sem nianca pü bon da lazass i schtring di chiauzei, par che sa po pü vif senza la tecnologia. Al dì d’incöö, se temia fai l’università par che te se un tarlücc, ma con tüti chi che schtüdia, magari per forza o per imagin, sem dré a nà tücc ala malora.

Parlem la nosa lingua, e chtem in dal nos picol, sa sent da prugett grandios che i servis domà pro sacocia pala crèm dala società, pai semplici citadin reschta düma i bris.
Coi nos politic che gà mia sott i ball sem dré a vendig anca l’anima al diavul e dal Tesin da prima e da adess, vedrem nianca pü l’ombra.
Cum à l’è dificil schcrival, sto dialett, ghigné pür di schtrafalcion, ma almen quaicoss sem riùsci a butá gio, a fà.
I noss vecc i m’à tramandà la so lingua, l’è un obblig moral da rischpetà i valor che i m’à tramandà. Fem mia i sapientoni, parlem schto benedeto dialett, almen tra da nüm. Fem mia i sapientoni a parlà taglian e ingles, per fa imagin e per turismo, senza i ricordi da chi che ghé vegnü prima da nüm, e senza rischpetä i so rob chi m’à tramandà, senza da quel l’è dumà temp schprecà.

PER RICEVERE A CASA VOSTRA ETICIFNORMA PAPER E I DUE MAGAZINE, ABBONATEVI INVIANDO ALLA NSOTRA E-MAIL IL VOSTRO INDIRIZZO CON RICHIESTA DI ABOBNARSI AI 4 NUMERI ANNUALI DI ETICINFORMA PAPER E AI DUE NUMERI ANNUALI DI ETICINFORMA MAGAZINE. (associazione.etc@gmail.com)